Ya Ali Hum Yateem Hogaye

Ya Ali (a.s) yeh kya ghazab hua, haaye hum yateem ho gaye
Saaya sar se aap ka utha, haaye yateem ho gaye

1-Hain siyah posh sogwaar
Jin ke dil mein hai Ali ka pyar
Momino ki hai yahi sada
Alvida Shah-e-Zulfiqar
Kis ne qatl aap ko kiya, haaye hum yateem ho gaye

2-Hai amaama surkh aye Imam
Ho qubool aakhri salaam
Aansoo aankh mein liye hue
Pursa de rahe hain sab ghulaam
Ghar mein bich gayi saf-e-aza, haaye hum yateem ho gaye

3-Dekha jab Hasan (a.s) ne zakhmi sar
Roye baba baba bol kar
Ibn-e-Muljim-e-laeen ne
Ek namazi roza daar par
Waar itni zor se kiya, haaye hum yateem ho gaye

4-Kehti hain Ali (a.s) ki betiyan
Aankhein kholiye aye baba jaan
Dekhenge kafan mein aap ko
Hum ne aisa socha tha kahan
Dil ko kaise chain aayega, haaye yateem ho gaye

5-Kaun pyar se bulayega
Kaun ab galay lagayega
Sar pe haath rakh ke baba jaan
Kaun humko dega ab dua
Kaise guzrega din Eid ka, haaye hum yateem ho gaye

6-Maa ke baad baap hi to tha
Jis ne humko rone na diya
Jab bhi maa ki yaad aayi to
Baba ne galay laga liya
Kaun dega humko hosla, haaye hum yateem ho gaye

7-Lipti jab janaze se behan
Bole yeh Hussain (a.s) se Hasan (a.s)
Thehar jao thori dair aur
Bandhna nahin abhi kafan
Dekhne do chehra baap ka, haaye hum yateem ho gaye

8-Jab se yeh tabeeb ne kaha
Doodh hai ilaaj marz ka
Aaye the jo pyaale thaam kar
Kaun un yateemon ko bhala
Ja ke yeh khabar sunayega, haaye hum yateem ho gaye

9-Zakhmi sar woh khoon Ya Ali (a.s)
Bhool na sakenge hum kabhi
Haan shahadat-e-Ali (a.s) ke din
Mesum aur Zeeshan Abidi
De rahe hain ro ke yeh sada