Gurbate Shabbir pe

Aulade fatema..Maqtal me be amaa..(3)
Maqtal me be amaaa

Ghurbate shabbir pe tu, bekasi roti rahi..(2)

Maut matam kar rhi thi..(2)
Zindagi roti rahi

Ghurbate shabbir pe tu, bekasi roti rahi..(2)

Waqte zibha shaah se zainab ki nazre jab mili..(2)
Bhai bhi Rota raha.(2)
Hamsheer bhi roti rahi

Kaat kar shabbir ka sar haath me khanjar liye..(2)
Shimr to hasta raha..(2)
Binte Ali roti rahi

Saath le aai jigar akbar ka naize ki ani..(2)
Maa isi manzar pe saari..(2)
Zindagi roti rahi

Ran me jab ghaazi gira bin bazuo ke khaak par..(2)
Haath pehlu par rakhe..(2)
Bibi Koi roti rahi

Qabr par asghar ki maa ne jaane kya waada kiya..(2)
Umr bhar wo dhoop me..(2)
Baithi rahi roti rahi

Shimr chadar lut kar kehta tha ghaazi ko bula..(2)
Sar jhukae Fatima ki..(2)
Laadli roti rahi

Bediya pehne hue akbar wo padhta tha namaz..(2)
Dekh kar aabid k sajde..(2)
Bandagi roti rahi

Ghurbate shabbir pe tu, bekasi roti rahi..(2)