Masjide Kufa se logon

MASJIDE KUFA SE LOGON AARAHI HAI YE SADAA(2)

Jo nabi ka jaanashee tha woh Ali maara gaya

1) Jiski aamad ke liye deeware Kaaba shak hui(2),
Halate Sajda me uska khoon masjid me bahaa
MASJIDE KUFA SE LOGON AARAHI HAI YE SADAA(2)

2)Sazishe ehle saqifa kaam apna kar gayi(2),
Aaj sajde me Ali par chal gayi teghe jafaa
MASJIDE KUFA SE LOGON AARAHI HAI YE SADAA(2)

3)Kufiyon khushiyan manao qatl Haider ho gaye(2),
Khanae Zehra me lekin aaj hai matam bapaa
MASJIDE KUFA SE LOGON AARAHI HAI YE SADAA(2)

4)Kis tarha Zainab ne sunli ye qayamat ki khabar(2),
Hausla bibi ko koi dene wala bhi na tha
MASJIDE KUFA SE LOGON AARAHI HAI YE SADAA(2)

5)Ambiya nauhakuna hai rote hai jinno bashar(2),
Jaa raha hai aaj duniya se Ali shere khuda
MASJIDE KUFA SE LOGON AARAHI HAI YE SADAA(2)

6)Momino tum aaj milkar pursa do Hasnain ko(2),
Uth gaya hai unke sar se aaj saya baap ka
MASJIDE KUFA SE LOGON AARAHI HAI YE SADAA(2)

7)"Jaffri" mushkil kusha ke qatl ka nauha hai yeh(2),
Jo musalle par usi ke khun se likha gaya
MASJIDE KUFA SE LOGON AARAHI HAI YE SADAA(2)