Zinda rehne ke liye

Zikre shabbir me karke jannat ataa
haq ne puchha bata aur kya chaahiye
maine lauta di jannat ye kehte hue
karbala karbala karbala chaahiye

zinda rehne ke liye bas ek jazba chaahiye..(2)
karbala bas karbala..(2)

1. Theek hai darya me musa ke liye raste bane..(2)
ya ali keh kar hame paani pe chalna chaahiye
karbala bas karbala..(2)

zinda rehne ke liye bas ek jazba chaahiye

2. Tashnagi sab ki bujhane ke liye darya nahi..(2)
hazrate abbas jaisa ek pyaasa chaahiye
karbala bas karbala..(2)

zinda rehne ke liye bas ek jazba chaahiye

3. Chhe mahine ke ali asghar ka ye paighaam hai..(2)
jitna jina hai zaruri utna jina chaahiye
karbala bas karbala..(2)

zinda rehne ke liye bas ek jazba chaahiye

4. Aakhri sajda kiya shabbir ne ye soch kar..(2)
jaisa wo mabood hai waisa hi sajda chhahiye
karbala bas karbala..(2)

zinda rehne ke liye bas ek jazba chaahiye

5. Dekhiye paakiza kitni hai dua e fatema..(2)
sochiye ek maatami ko kaisa hona chaahiye
karbala bas karbala..(2)

zinda rehne ke liye bas ek jazba chaahiye

6. Kat gaya sajde me sar to keh utha ishqe hussain..(2)
ab sina ki noq par quran parhna chaahiye
karbala bas karbala..(2)

zinda rehne ke liye bas ek jazba chaahiye

7. Chaahiye bas meri beti ko sakina ki dua..(2)
mere bete ko ali asghar ka sadqa chaahiye
karbala bas karbala..(2)

zinda rehne ke liye bas ek jazba chaahiye

8. Ye hussaini hain dua e sayyada hai unke sath..(2)
har yazidi ko azaadaaron se darna chaahiye
karbala bas karbala..(2)

zinda rehne ke liye bas ek jazba chaahiye

9. Aao suraj me bichhaate hain qamar farshe azaa..(2)
har jaga par karbala ka zikr hona chaahiye
karbala bas karbala..(2)

zinda rehne ke liye bas ek jazba chaahiye