Ye rahe shaam hai

Ye rahe shaam hai,
tera watan nahi ZAINAB,
Yahan Hussain nahi hay,
Hassan nahi ZAINAB....

Yahan Rida ka taswwur mahaal hai BIBI,
Yahan janazon ko milta nahi kafan ZAINAB....

Lahu Lahu jo Qadam ho rahe hai'n ABID ke,
Ye SHAAM hai Ye ALI ka chman nahi ZAINAB....

Tu chhor aai hai maqtal mei'n bekafan laashe,
Sinaa ki nok Py sir hai,
badan nahi ZAINAB....

Safar men sath hai qatil bhi tere GHAZI ka,
Tery liye barra us sy muhin nahi ZAINAB....

Ye Log jo tere baazu mei'n baandhte hain Rasan,
Unhe'n khayal e RASUL E ZAMAN nahi ZAINAB....

Hazaar zulm o sitam kr ke thak Gaya ZALIM,
Tere Irado'n mei'n koi thakan nahi ZAINAB....

tabah kr diya Qasr e Yazeed, takht e Yazeed,
Ye kon kehta hai,
BATIL SHiKAN nahi ZAINAB....

Barra andhera hai zindaa'n, jis mei'n jaana hai,
Wehan ujaale ki koi kiran nahi ZAINAB....

"REHAN" Par Ye ata e HUSSAIN hai BIBI,
Kisi or ka Ye rang-e-sukhan nahi ZAINAB....