Pyaaso'n ka janaza hai ye

Ya hussain....

Pyaaso'n ka janaza hai ye, pyaaso'n ka janaza....
Kis kis ko dilaasa de'n, kis kis ko dilaasa....ya hussain..

Shabbir se jo uthna saka piri me laasha,
Tuti kamar ko thaam ke bole shahe wala,
Sab milke uthaao ali akbar ka janaza....ya hussain..

Pyaaso'n ka janaza hai ye, pyaaso'n ka janaza..

Paamaal hua ghodo'n se jiska tane at'har,
Tukdo'n me laae laash ko rote hue sarwar,
Farwa ko do pursa ye hai qasim ka janaza....ya hussain..

Pyaaso'n ka janaza hai ye, pyaaso'n ka janaza..

Kohram hai khaime me alamdar kaha'n hai,
Khoo'n me alam haay wafadar kaha'n hai,
Ghairat se jhuka jaata hai ghazi ka janaza....ya hussain..

Pyaaso'n ka janaza hai ye, pyaaso'n ka janaza..

Dekha na gaya aankho'n se jo nanha sa laasha,
Kadmo'n ko roka aage bade phir shahe wala,
Rokar kaha lo aaya hai asghar ka janaza....ya hussain..

Pyaaso'n ka janaza hai ye, pyaaso'n ka janaza..

Do sher the jo jung me himmat nahi haare,
Sar shaan se kataa gaye zainab ke dulaare,
Aaya lahu me auno mohammad ka janaza....ya hussain..

Pyaaso'n ka janaza hai ye, pyaaso'n ka janaza..

Aaya jo waqt-e-asr siyaah aandhiya'n chali,
Sarpar gubaar odhke pyaase ki maa chali,
Run me tadapke reh gaya sarwar ka janaza....ya hussain..

Pyaaso'n ka janaza hai ye, pyaaso'n ka janaza..

Saare shaheed ho gae koi na rehgaya,
Karbobala ke bun me lahu sabka beh gaya,
Ek din me utha haay bahattar ka janaza....ya hussain..

Pyaaso'n ka janaza hai ye, pyaaso'n ka janaza..

Shaame gharibaa'n aai to khaime bhi jal gae,
Har gham sadaa armaan ke nauho me dhal gae,
Kaandho'n pe hai ansaare hussaini ka janaza....ya hussain..

Pyaaso'n ka janaza hai ye, pyaaso'n ka janaza..