Pehlu bhi shikasta

Pehlu bhi shikasta

Pehlu bhi shiksta hai Turbat bhi Shiksta hai.

Kya haal yeh ummat neh x2 Zehra ka banaya hai

1. Khatoon koi gham se, yu choor nahi dekhi, aisi koi duniya mei mastoor nahi dekhi, athara baras mei hi lagtee jo zaeifaa hai.

Pehlu bhi shiksta hai Turbat bhi Shiksta hai.

2. Marhaam tere zakhmo ka bibi na mila aab tak, aulad e ummaya ki, baqi hai jafaa aab tak, roney pe bhi pehra tha, turbat pe bhi pehra hai.

Pehlu bhi shiksta hai Turbat bhi Shiksta hai.

3. Do ayse janazeh hai tariki mei jo outeh

Bus ghar ke hi logo ne dono ko diye kandhe

Ik fatema zehra hai ik baali sakina hai

4. Masuma-e-kum tere bhai se duwaa lene

Pursa teri daadi ka aateh hai tuje dene

Bibi tera roza bhi tasveer-e-bakaiya hai

5. Hairat hai musalma ne yeh zulm kiya kaise

Yeh ajar risalat ka ummat ne diya kaise

Jalta huwa bibi pe darwaza giraya hai

6. Haybat se larazti hai khud mowt jahaan aakar

Karte the salaam ahksar sarkaar yehaa aakar

Zalim na jalaa isko yeh dar dar-e zehra hai

7. Mehdi se koi pooche kya us pe guzar ti hai,

awaz baqyie se jab rooney ki ati hai,

aankhoo se lahoo rokar woh bhi yehi kehta hai.

8. Tasveer hakikat ki khwabo ko banaa dijiyeh

Eh bibi takallum ko taabir beta dijiyeh

Maatam teri turbat pe hote huwe dekha hai

Pehlu bhi shiksta hai Turbat bhi Shiksta hai.