Aa dekh mere Gazi

Ya abbas..(3)
Aa dekh mere ghazi uncha hai alam tera..(4)

Dil seene mein jab tak hai boolega na ghum tera..(2)

Aa dekh mere ghazi uncha hai alam tera..(2)

1. Zainab ki dua ban kar ek waqt wo aayega..(2)
har ghar pe saja hoga, abbas alam tera
dil seene mein...

2. Aa jati hai zahra bhi, zainab bhi ziyarat ko..(2)
jab aath moharram ko, uth-ta hai alam tera
dil seene mein...

3. Taboot jab uth-ta hai shabbir ka aye ghazi..(2)
taboot ke aage bhi, chalta hai alam tera
dil seene mein...

4. Wo kaun se sadmey the, sheh toot gaye jis se..(2)
ek dard tha zainab ka, aur doosra ghum tera
dil seene mein...

5. Parcham ka pharera tha, ya aas thi zainab ki..(2)
zainab ke kaleje se, ghum kaise ho kam tera
dil seene mein...

6. Bazaar mein zinda'n mein, darbaar mein har lamha..(2)
zainab ki to sanso'n pe, tha naam raqam tera
dil seene mein...

7. Jab beh gaya sab paani tab saans teri tooti..(2)
tha seene ke andar ya, mashkize mein dum tera
dil seene mein...

8. Awaaz teri sarwar shabbir se wabasta..(2)
abbas se wabasta, rehan qalam tera
dil seene mein...