Kya hua bazar me Abid jo budha ho gaya

Kya Hua Bazaar Main Abid (as) Jo Boorha Hogaya
Tan Pe Kariyan Reh Gai Hain, Jism Aadha Hogaya

Ik Jaga He Pusht E Abid (as) Pe Gaya Mara Bara
Kuch Qabal He Neel Tha Ab Zakhm Gehra Hogaya

Har Tamachay Pe Sakina Ne Kaha Bhai Se Ye
Poochiye Zalim Se Bhai Zulm Poora Hogaya

Be Rida Zainab (sa) Ko Dekha, Ro Paray Abid (as) Lahu
Majma E Aghyaar Kyun Na Haye Andha Hogaya

Chahta Hai Koi Aa Kar Bhai Uss Ko Bol De
Baad Akbar (as) Ke Ye Abid (as) Itna Tanha Hogaya

Sar Khula Ghazi (as) Ka Itna Na Ruka Naizay Pe Wo
Jo Galay Main tha Wo Sar Se Paar Naiza Hogaya

Joan Mainay Jub Likha Hai Naam E Zainab (sa) Or Sham
Ashk Aankhon Se Giray Hain Or Pursa Hogaya