Maula Hussain Jaan

Janum Hussaina Ayy Janaan e Mustafa
Marhaba Hussain Maula

Uncha Tumhara Maqam maula Hussain Jan
Tum Par Durood O Salam maula Hussain Jan
Pyara Pyara Hai Ye Naam maula Hussain Jan

Badshahon Main Bhala Hai Kaun Aisa Badshah
Jis Ke Naukar Ho Farishte Auliya Jis Ke Gada
Arsh Wale Farsh Wale Ho Sabhi Jis Par Fida - 2
Har Dil Main Jis Ka Qayam maula Hussain Jan
Hum Sab Hain Jis Ke Ghulam maula Hussain Jan

Jis Ka Shajrah BaKhuda Sare Ka Sara Noor Ka
Baap Bhai Maa Bhi Noori Aur Nana Noor Ka
Bacha Bacha Noor Ka Sara Gharana Noor Ka - 2
Kis Ka Hai Ye Ehtamam maula Hussain Jan
Roshan Hai Kis Ka Ye Naam maula Hussain Jan

Ya Hussain Itna Duaon Main Asar Tu de De
Apne Nokar Ko Ghulami Ka Samar Tu de De
Main Samandar Bhi Kisi Ghair Ke Hathon Se Na Lun
Aur qatra Bhi Samandar Hai Agar Tu de De

Sab Ka Hai Sai Sarkar Ya Hussain
Ishq E Khuda Main Sarshar Ya Hussain
Kehta Hai Sara Sansar Ya Hussain
Ishq Ki Had Tu Ne Paar Kar Di
Deen Ki Zameen Gulzar Kar Di
Mera Nara Nazara Sahara Guzara Hamara Tumhara
Sardar Ya Hussain
Pyara Hussain Mera Pyara Hussain

Asman Pe Chand Nikla Teesri Shaban Ka
Ghar Main Zahra Ke Khila Hai Phool Ye imaan Ka
Aagaya Dekho Nawasa Deen Ke Sultan Ka - 2
Teesra Aya Imam maula Hussain Jan
Rab Ka Hai Humko Inaam maula Hussain Jan

Saltanat Hai Ishq Ki Sultan Shah E Karbala.
Dhadkano Main Gunjta Hai Naam Jis Ka Ba Khuda
Ja Baja Sare Jahan Main Kam Jis Ka Cha Gaya - 2
Sab Ka Hai Takiya Kalaam maula Hussain Jan
Zindah Rahe Ga Ye Naam maula Hussain Jan

Wo Jo Lakhon Se Na Hara Kon Hai Bas Ya Hussain.
Maut Ko Jis Ne Hai Mara Kon Hai Bas Ya Hussain
Jo Na Ban Paya Dobara Kon Hai Bas Ya Hussain - 2
Bolo Basad Ehteram maula Hussain Jan
Hazrat Alayhissalam maula Hussain Jan

Tere Ishq Mein Jo Bhi Doob Gaya
Bas Us Ka Beda Paar hua
Jis Dil Main Basa Hai Pyar Tera
Woh Jannat Ka Haqdar hua
Yeh Maal O Zar Sona Chandi
In Sab Ki Haqeeqat Kuch Bhi Nahi
Rab Us Ko Mila, Sab Us Ko Mila
Jo maula Ka Hubdar Hua